अन्तर्राष्ट्रिय युवा दिवसमा छात्रभलिबल प्रतियोगिता र प्रमाणपत्र वितरण सम्पन्न
गाेविन्द बहादुर रावत
स्वाभिमान खबर ,साउन २७
सुर्खेत – अन्तर्राष्ट्रिय युवा दिवसको अवसरमा आयोजित छात्र भलिबल प्रतियोगिता तथा प्रमाणपत्र वितरण कार्यक्रम मंगलबार धुमधामका साथ सम्पन्न भएको छ। युवाहरुको सहभागिता र खेलकुदको महत्व बढाउने उद्देश्यले आयोजना गरिएको यस कार्यक्रममा स्थानीय समुदाय, विद्यालयका विद्यार्थी, शिक्षक तथा अभिभावकको उत्साहजनक उपस्थिति रहेको थियो।
आयोजक आवाज का अनुसार कार्यक्रम २०८२ साउन २६ गते (१२ अगष्ट २०२५) सम्पन्न गरिएको हो। कार्यक्रममा प्रतिस्पर्धामा उत्कृष्ट प्रदर्शन गर्ने टिम तथा खेलाडीलाई प्रमाणपत्र वितरण गरिएको थियो। यस अवसरमा प्रमुख अतिथिहरूले खेलकुदको महत्व, युवा शक्तिको भूमिका र समाज विकासमा उनीहरूको सक्रिय सहभागिताबारे प्रेरणादायी मन्तव्य दिएका थिए।
प्रतियोगितामा सहभागी विद्यार्थीहरूले खेलकुद मार्फत अनुशासन, आपसी सहयोग र स्वस्थ प्रतिस्पर्धाको संस्कार सिकेको बताएका थिए। स्थानीय बासिन्दा र शिक्षकहरूले पनि यस्ता गतिविधिले गाउँमा खेल संस्कृति र युवाबीचको सहकार्यलाई बलियो बनाउने विश्वास व्यक्त गरेका छन्।
अन्तर्राष्ट्रिय युवा दिवसकै दिन गरिएको यस कार्यक्रमले युवाहरूमा ऊर्जा, आत्मबल र एकताको भावना जगाएको आयोजक आवाज ले जनाएको छ।
कार्यक्रम का केही तस्बिरहरू
प्रतिक्रिया दिनुहोस्