दलाल पुँजीवाद र साम्राज्यवाद विरुद्ध लडाईका सबै मोर्चा खोल्नु पर्छः देवगुरुङ

दलाल पुँजीवाद र साम्राज्यवाद विरुद्ध लडाईका सबै मोर्चा खोल्नु पर्छः देवगुरुङ

 सुर्खेत ।

नेकपा माओवादी केन्द्रका महासचिव देव गुरुङले दलाल पुँजीवाद र साम्राज्यवाद विरुद्ध लडन लडाईका सबै मोर्चा खोल्नुपर्ने बताएका छन ।

समाजवादी मोर्चा नेपालले विहिवार सुर्खेतको वीरेन्द्रनगरमा आयोजना गरेको ‘नेपाली विशेषताको समाजवाद’ विषयक अन्तरक्रिया कार्यक्रममा बोल्दै महासचिव गुरुङले दलाल पुँजीवाद र साम्राज्यवाद विरुद्ध लडन लडाईका सबै मोर्चा खोल्नुपर्ने बताएका हुन ।

उनले यसका लागि सडक,सदन र सरकारको मोर्चा भएको भन्दै यी सबै मोर्चा कम्युनिष्टहरुले प्रयोग गर्नु पर्ने बताए । समाजवादी मोर्चा नेपालका सचिवालय सदस्य समेत रहेका नेता गुरुङले साम्राज्यवादले दोस्रो विश्वयुद्ध पछि माओको निधनयता कम्युनिष्ट समाजवादी विरुद्ध लड्ने नयाँ रणनीति विकास गरेको चर्चा गर्दै कम्युनिष्टहरुले पनि नयाँ रणनीतिको विकास गरेर साम्राज्यवाद विरुद्ध लड्नुपर्ने बताए ।

उनले भने ‘दर्शनमा र रणनीतिमा साम्राज्यवाद पहिलो र दोस्रो विश्वयुद्धको जस्तो छैन,वहुलवाद र उदारपुँजीवादको नीति मार्फत विश्वलाई कव्जा गर्न खोज्दैछ । उ कम्युनिष्ट विरुद्ध माओपछि तिव्र रुपमा आएको छ,उसले चारैतिरबाट कम्युनिष्ट विरुद्ध आक्रमण गरेको छ । त्यसो भएर कम्युनिष्टहरुले पनि साम्राज्यवाद विरुद्ध लडेर जित्न सबै मोर्चाको प्रयोग गर्नुपर्छ ।’ उनले कम्युनिष्टहरुले विगतको माक्र्सवादको आधारभूत कुरामा टिकेर आफूलाई रिभ्यू गर्नुपर्ने बताए । उनले साम्राज्यवादले कम्युनिष्टहरुलाई विखण्डन गर्ने सिद्धान्त विकास गरिरहेको भन्दै त्यस विरुद्ध लड्न कम्युनिष्टहरु युनिफाईड हुनुपर्ने बताए ।

नेता गुरुङले भने ‘आत्मकेन्द्रीत व्यक्तिवाद पुँजीवादले जन्मायो, कम्युनिष्टहरु केही विग्रिए,यसलाई सुधार्नुपर्छ, कम्युनिष्टहरुले प्रतिस्पर्धा र सहमति दुवै गर्नुपर्छ । हामी फुटेर होइन जुटेर दलाल पुँजीवाद र साम्राज्यवाद विरुद्ध लडौं ।’ उनले राज्यसत्तामा सुगौली सन्धी,१९५० को सन्धी लगायतका सन्धी सम्झौताबाटै गलत स्कुलिङ भएको भन्दै यसलाई बदल्न नेपाली विशेषताको समाजवाद अनिवार्य भएको जिकिर गरे । समाजवाद जनताको आँखाबाट कमजोर हुन दिनु हुदैनः विप्लव सी बसन्त विक सुर्खेत ।

नेपाल कम्युनिष्ट पार्टीका महासचिव तथा समाजवादी मोर्चा नेपालका संयोजक विप्लव सीले समाजवाद नेपाली जनताको आँखाबाट कमजोर हुन दिन नहुने बताएका छन । समाजवादी मोर्चा नेपाल कर्णाली प्रदेशले विहिवार सुर्खेतको वीरेन्द्रनगरमा आयोजना गरेको ‘नेपाली विशेषताको समाजवाद’ विषयक अन्तरक्रिया कार्यक्रममा बोल्दै महासचिव विप्लव सीले यस्तो कुरा बताएका हुन । उनले नेपालमा सबै कम्युनिष्ट समाजवादीहरुको साझा एजेण्डाको रुपमा समाजवाद स्थापित भएकाले कुनै पनि मुल्यमा यसलाई नेपाली जनताको आँखामा कमजोर हुन दिन नहुने बताए ।

समाजवादी मोर्चा नेपालका संयोजक विप्लवले भने ‘जनयुद्ध र जनआन्दोलनले प्राप्त गरेको गणतन्त्र पनि समाजवादको आधार हो । यसलाई दलाल पुँजीपति वर्गले आफ्नो स्वार्थमा प्रयोग गर्न खोजेका छन । नेपालका कम्युनिष्ट समाजवादीहरुले गणतन्त्रलाई समाजवादी गणतन्त्रमा बदल्ने अभियानमा लाग्नु पर्छ ।’ नेपालमा दलाल पुँजीवादी व्यवस्थाले नेपाली जनताको चाहाना कुनै पनि हालतमा पुरा गर्न सक्दैन,साम्राज्यवादीले दलाल पुँजीवादलाई संरक्षण गरेको छ,यसका विरुद्ध सड्क,सदन र सरकारको मोर्चाबाट सघर्ष गर्नुको विकल्प छैन समाजवादी मोर्चाका संयोजक विप्लवल भने ।

उनले नेपालमा पाँचबटा समाजवादको बारे कुरा उठेपनि अहिलेको लागि नेपाली विशेषताको समाजवाद नेपालका लागि सहित र बस्तुवादी भएको जिकिर गरे । नेपालमा अग्रगामी निकासको लागि चार पार्टीले समाजवादी मोर्चा मार्फत अगाडि सारेको नेपाली विशेषताको समाजवाद अहिलेको उत्तम विकल्प भएको दाबी गदै विप्लवले भने ‘नेपालमा कानुन लुटेराहरुको हितमा भयो, यी खिया लागेका कानुन हुन ,यिनलाई बदल्ने समाजवाद चाहियो । आज सरकारमा मात्र कम्युनिष्ट गएर केही हुदैन,राज्यका निकायमा साम्राज्यवादी पुँजीवादी कानुन छ,यसलाई बदल्ने समाजवाद चाहिएको छ,त्यो समाजवादी मोर्चाले पुरा गर्नेछ ।

’ महासचिव विप्लवले नेपालमा ०४७ साल र यथास्थितिवाद दुबै हुन नसक्ने बताउदै नेपालको अग्रगामी निकास नेपाली विशेषताको समाजवाद मात्र भएको उद्घोष गरे । उनले एमसीसी मार्र्फत साम्राज्यवादले नेपालमा सैन्य अखडा राख्न चाहिरहेको खुलासा गर्दै त्यसविरुद्ध सबै कम्युनिष्ट,क्रान्तिकारी, देशभक्त शक्तिहरुले प्रतिवाद गर्नुपर्ने बताए । उनले नेपालको कम्युनिष्ट जनमत समाजवादी जनमत भएको बताउदै नेपालका कम्युनिष्ट नेता, कार्यकर्ता र जनतामा विकास भईरहेका समाजवादमा भ्रणहरु एकीकृत गरेर कम्युनिष्टहरुको एकीकृत मोर्चा बनाउनु पर्नेमा जोडदिए ।